Compostela: “Menos Natal e Mais Guerra Social”, crónica da manife de ontem

A resposta de ontem em Compostela às detençons de compas anarquistas em Barna e Madrid, foi muito possitiva, tanto no número de gente que se achegou até o Toural para manifestar a sua solidariedade para com as repressaliadas como na sua combatividade.

Ante a concurrência no Toural quando eram pouco mais das 8 da tarde (hora da convocatória) de máis de 200 pessoas (das que a maioria era gente moça) derivou em que, o que ia ser em princípio umha concentraçom de apoio, se convirtira numha manifestaçom que, saindo de dita praça percorreu diversas ruas e praças da zona nova berrando palavras de ordem como "Se tocam a umha, tocám-nos a todas", "As presas agora queremos ve-las fora", "Abaixo os muros das prissons", "Nom som terroristas, som Anarquistas", "O eixo do mal é o Capital" ou a que figura no cabeçalho "Menos nadal e mais guerra social" entanto a assistência ia medrando chegando a contabilizar-se perto de 300 pessoas que nom iam de passeata e onde por momentos se cruzavam os berros de diante com os de atrás e os do meio numha sintonia anarquista que gerava caras de pampo entre a gente que nessas horas estava de passeio ou de compras de nadal, se bem case todas recolhiam de bo grado o panfleto que, co galho do protesto, escreveram algumhas das individualidades convocantes.

De volta ò Toural decidiu-se seguir até a praça do Pam (oficialmente de Cervantes) e no trascurrir desse trajecto houvo algumha acçom contra entidades bancárias e umha pintada no escaparate dun falsimedio local.

Durante tudo esse tempo a presência policial limitou-se a ter duas furgonas e os seus tripulantes na praça de Galiza (lugar por onde nom se passou) se bem estiveram "missing" durante todo o percorrido.

Ò chegar a praça do Pam deu-se por rematada a protesta solidária, mas nom a luita.

Seguiremos em pê!!
Liberdade para as detidas!!