lahaine.org
Nacionales Galiza :: 31/10/2012

NÓS-Unidade Popular reclama respeito para os direitos das pessoas detidas e o fim da criminalizaçom

NOS-UP
NOS-up reclama respeto para los derechos de las personas detenidas y el fin de la incomunicacion

Diante de um novo episódio repressivo de origem política, acompanhado da habitual dose de intoxicaçom informativa nos meios do sistema, NÓS-Unidade Popular quer lembrar que as duas pessoas detidas ontem em Narom, acusadas de “terroristas” e conduzidas hoje à Audiência Nacional espanhola tenhem direitos e que estes devem ser respeitados.

A própria aplicaçom da legislaçom dita “antiterrorista” por parte do Estado espanhol contra os galegos e galegas supom umha flagrante violaçom de direitos fundamentais, confinando as pessoas que a padecem no isolamento e a transferência a centenas de quilómetros do seu lugar de residência, amiúde durante anos de prisom preventiva à espera de julgamento.

Porém, as formas que os operativos policiais anti-independentistas tomam no caso galego pioram essas condiçons, nom só pola atitude habitualmente hostil das forças repressivas, mas pola campanha paralela de intoxicaçom e criminalizaçom conduzida polos grandes meios de comunicaçom.

Assim aconteceu nesta ocasiom com o detido e detida na comarca de Trasancos, mas de maneira agravada pola existência de um bebé, filho d@s detid@s, que também sofreu a sua própria “detençom”, sendo conduzido à esquadra policial e mantida afastada da mae e do pai até ser entregue aos famíliares, de madrugada.

Entretanto, fotos de supostos explosivos e outras burdas manipulaçons acompanhárom os títulos da imprensa do sistema, que suspendeu o direito à presunçom de inocência das detidas e ofereceu em todo o momento cobertura ideológica e propagandística à polícia, reproduzindo unicamente a versom quase literal do Ministério espanhol do Interior.

NÓS-UP reclama o imediato regresso de Júlio e Sílvia à Galiza e o respeito por todos os seus direitos como pessoas detidas, devolvendo-as à liberdade quanto antes e evitando assim a habitual condena arbitrária que suponhem os longos períodos de prisom preventiva em regime de dispersom a centenas de quilómetros da Galiza.

Júlio e Sílvia, liberdade!

Basta de repressom contra o independentismo galego!

Direçom Nacional de NÓS-unidade Popular

 

Este sitio web utiliza 'cookies'. Si continúas navegando estás dando tu consentimiento para la aceptación de las mencionadas 'cookies' y la aceptación de nuestra política de 'cookies'.
o

La Haine - Proyecto de desobediencia informativa, acción directa y revolución social

::  [ Acerca de La Haine ]    [ Nota legal ]    Creative Commons License ::

Principal