3.391 galegas e galegos mais arrojados ao desemprego

O INEM acabou de tornar públicos os dados de emprego do mês de fevereiro, piores do esperado. O número de galegos e galegas (excluídos os da Galiza oriental) inscritos como procuradores de trabalho nos escritórios do serviço público de emprego ascendeu em 3.391 nos últimos vinte e nove dias, o que supom um incremento mensal de 1,25%. Ao todo, no INEM constam 274.675 desempregados, recorde histórico no nosso país, que no último ano viu incrementado o desemprego em 10,63%.

A Segurança Social, na corda bamba

Menos trabalhadores em ativo supom menos quotizaçons à Segurança Social, de cujas arcas sai o dinheiro que paga os subsídios de desemprego e as pensons dos reformados. Desde 2011, Galiza perdeu 36.082 quotizantes, polo que as receitas da famosa "caixa única" diminuírom enormemente, ao tempo que, pola mesma causa, se incrementárom os pagamentos por subsídios de desemprego. A soluçom do governo espanhol, tanto o do PSOE como o do PP, consistiu em diminuir as despesas mediante as reformas laborais que limitam a duraçom e quantia dos subsídios, o que nom só nom arranja o problema senom que deixa na miséria os milhares de trabalhadores que estám a pagar a crise (e que já contribuíram para a caixa da SS quando trabalhavam).

Trás la lectura de los datos del mes de febrero, son casi 3.400 las personas galegas o galegos que han pasado a engrosar las filas del paro.

Desde 2011, Galiza ha perdido 36.082 cotizantes a la Seguridad Social.