A Mocidade pola Independência apresenta os seus princípios ideológicos e organizativos

No sábado 18 de maio, o centro social okupado Escárnio e Maldizer (Compostela) acolheu o I Encontro Nacional da Mocidade pola Independência.

No mesmo, o espaço juvenil —que celebrou as suas primeiras assembleias abertas em novembro de 2018— aprovou uns textos, compostos por uns «princípios ideológicos» e por uns «princípios organizativos».

Assim, a Mocidade pola Independência define-se como «umha rede de assembleias de adscriçom individual que trabalha, desde posiçons anticapitalistas e feministas, pola libertaçom nacional e social da Galiza».

O coletivo salienta que «nom pretende substituir as organizaçons juvenis já existentes, senom gerar um espaço fraterno de debate e açom entre pessoas organizadas no movimento juvenil galego e ativistas independentes».

Ideologicamente, a Mocidade pola Independência define-se como independentista, anticapitalista, feminista, anti-imperialista, internacionalista, antifascista e ecologista.

O espaço organiza-se através de assembleias comarcais, que «contam com total autonomia à hora de levar a cabo açons».

No plano normativo, o espaço emprega «tanto a normativa reintegracionista como a ILG-RAG, procurando um equilíbrio do 50%-50%».

Comemoraçom da I República Galega

A Mocidade pola Independência comemorará a proclamaçom da I República Galega cum jantar. Será no sábado 29 de junho, no centro recreativo do Chaiám.

A jornada incluirá jogos populares, umha festa-concerto com Willow (GHZ), umha pinchada e umha foliada.