lahaine.org
Nacionales Galiza :: 21/07/2018

Causa Galiza chama o povo a sair para a rua neste Dia da Pátria com a exigência da independência

Causa Galiza
Causa Galiza llama alpueblo en este Día da Patria con la exigencia de la independencia

Causa Galiza convocará a sociedade galega a se mobilizar neste Dia da Pátria em favor da independência nacional. A decisom adota-se após decair a tentativa de se celebrar umha única manifestaçom nacional sob parámetros de rutura democrática e independentismo explícito, que conformam, da nossa ótica, o mínimo comum denominador com que a Galiza deve abordar como naçom o atual cenário de Emergência Nacional e Social e crise do regime espanhol de 1978.

A prevalência de dinámicas de afirmaçom partidária por cima da construçom dumha estratégia nacional de rutura; a aposta fáctica da direçom histórica do nacionalismo na melhora autonómica, que desouve o sinistro balanço do ciclo autonómico e as ensinanças do processo catalám, e a insuficiência do músculo independentista para alterar, hoje, o rumo dos acontecimentos, figérom com que esta proposta de unidade de açom pontual entre diferentes num contexto excecional como o atual fosse inviável.

Nas próximas semanas, facilitaremos os extremos da convocatória e as atividades posteriores. Esta manifestaçom independentista irá precedida dumha intensa campanha comarcal impulsionada por assembleias abertas, que se enquadra nas tarefas de atualizaçom e renovaçom de diagnósticos e estratégia em que se encontra submergida a nossa Organizaçom e terá o seu momento chave no Processo Trevinca a iniciar em outubro.

Momento favorável para o independentismo

O esgotamento da receita autonomista, a inexistência de opçons de democratizaçom do Estado, a recentralizaçom em curso —da que o atual Governo espanhol é, no melhor dos casos, apenas um impasse— e a Emergência Nacional e Social cronificada que vive a Galiza, som traços grossos dum cenário que só encontra horizonte resolutivo na rutura com o Estado espanhol através dum processo de empoderamento nacional e popular e acumulaçom de forças independentistas.

Esta é a aposta estratégica que fai Causa Galiza, que avalia que hoje existem as condiçons objetivas e subjetivas imprescindíveis e a massa crítica necessária para levantar, com paciência e humildade, um projeto político e umha estratégia que respostem com radicalidade e vontade de coerência estratégica à grave crise nacional que enfrenta a Galiza. É neste marco construtivo que enquadramos o Dia da Pátria 2018.

Chamamento à mocidade

O independentismo tem a sua principal esperança instalada na geraçom nascida sob o atual regime autonómico. Umha geraçom que rompe, progressivamente, o tabu que a direçom histórica do nacionalismo galego instaurou durante décadas a respeito da independência e descubre que, estrategicamente, só a unilateralidade, a auto-organizaçom e a luita diária ofertam horizontes distintos dos do empobrecimento, a espoliaçom, a espanholizaçom plena e a repressom.

Neste Dia da Pátria, dirigimo-nos com especial énfase a este setor do nosso povo, conscientes da complexidade da sua problemática atual e das extraordinárias dificuldades que enfrenta e convidando-o, por isso mesmo, a se organizar e assumir responsabilidades crescentes na construçom do projeto político, a acumulaçom de forças e a perpetiva de rutura unilateral com Espanha, que é a única opçom de futuro para a Galiza.

 

Este sitio web utiliza 'cookies'. Si continúas navegando estás dando tu consentimiento para la aceptación de las mencionadas 'cookies' y la aceptación de nuestra política de 'cookies'.
o

La Haine - Proyecto de desobediencia informativa, acción directa y revolución social

::  [ Acerca de La Haine ]    [ Nota legal ]    Creative Commons License ::

Principal