Diferentes organizaçons internacionais manifestárom o seu apoio neste 25 de Julho

Reproduzimos as saudaçons encaminhadas por diferentes organizaçons internacionais manifestando o seu apoio neste Dia da Pátria.

Além destas fixerom chegar o seu apoio ou estiverom presentes com nos na mobilizaçom do passado 25 de Julho as seguintes organizaçons: IzCa (Castela), Política Operária (Portugal), Esquerda Abertzale (Euskal Herria) e Puyalon de Cuchas (Aragom).

De NÓS-Unidade Popular queremos agradecer o seu apoio e encaminhar-lhes um forte abraço internacionalista.

Cátedra Che Guevara – Colectivo Amauta (Argentina)

Buenos Aires, 23 de julho de 2012

À Galiza rebelde e combativa

Aos nossos irmaos e irmás do outro lado do océano

O Estado Espanhol estala. Os velhos sonhos de prosperidade e os relatos soberbos e altaneiros de triunfalismo do primeiro mundo ficárom no museu de antiguidades. Era hora.

A classe dominante espanhola só tem um livreto: a repressom. Pensa, ingenuamente, que vigiando, controlando, perseguindo e ilegalizando o movimento popular nos seus diferentes destacamentos e coletivos pode conduzir umha crise que a excede, a desborda e a esta altura é incontrolável.

Em meio de umha crise capitalista mundial, estrutural, sistémica e civilizatória, que já nom só castiga o terceiro mundo e América Latina, mas também as grandes metrópole do imperialismo, os povos rebeldes e a classe trabalhadora pom-se dignamente em pé.

Nesse contexto de crise aguda das luitas desde abaixo, da classe trabalhadora do Estado Espanhol e das classes oprimidas por esse mesmo Estado, necessitam sim ou sim gerar articulaçom, coordenaçom, unidade recíproca na açom.

Nos últimos anos de novas geraçons de galegos e galegas começando a retomar o fio perdido dos independentistas. E nom só plantejárom a luita pola independência, ao mesmo tempo manifestarom-se de muitas formas internacionalistas em solidariedade com o Terceiro Mundo.

Nunca como hoje estám mais vigentes os caminhos de insurgência e desobediência organizada contra o grande capital, as suas instituiçons, a sua cultura e a sua dominaçom social.

Este novo dia da Pátria galega tem lugar nessa compleja conjuntura.

Recebam o noso fraternal abraço desde o sul da Pátria Grande latinoamericana, desde Argentina, onde – como sinalamos em outros anos e hoje necessitamos reiterar- vive umha importante comunidade galega desde há várias décadas, e onde também sofremos e continuamos padecendo a expoliaçom das grandes companhias capitalistas de origem espanho, desde Repsol até Telefónica, entre muitas outras, também odeiadas polo povo argentino.

Aperta grande e nom baixem os braços.

Movimento Continental Bolivariano

Camaradas da Pátria galega NÓS-Unidade Popular da esquerda independentista, anti-imperialista e socialista do heroico povo Galego.

Este 25 de Julho “Dia da Pátria” recebam as nossas saudaçons solidárias e revolucionárias desde o Movimento Continental Bolivariano à Galiza rebelde e combativa, que ergue de maneira valente e decidida a bandeira libertária da independência e o socialismo, contra o capital depredador e a opressom do Estado Espanhol, cada vez mais decadente e servil ao capital financeiro transnacional, em meio da crise sem retorno do Capitalismo mundial.

A meses de ter a valiosa oportunidade de conhecer em direto a realidade do povo Galego, a sua história de luita, a dignidade e justiça de resistência, a sua capacidade de organizaçom e consequência, a sua vocaçom internacionalista, classista e feminista, hoje os nossos laços estreitam-se, pois a luita pola sua libertaçom é também a nossa própria luita contra o inimigo comum; só umha voz desde Corunha até a Caracas de Bolívar, desde Ferrol até La Paz, desde Vigo a Bogotá, desde Santiago de Compostela até Santiago de Chile… obreiros, estudantes, campesinhos, homens e mulheres, dispostos a dar a batalha por rachar com um sistema de exploraçom e extermínio. ABONDA JÁ! é o clamor que irrumpe como um despertar em todos os pontos do planeta.

Temos a conviçom de que os tempos que venhem, se bem carregados de esperanças e avanços na luita popular serám também anos difíceis, nom cabe dúvida: O Capitalismo luitará até o último sopro pola sua sobrevivência e é por isso que hoje mais do que nunca a unidade dos povos fai-se imprescindível, a solidariedade de classe, a coordenaçom das nosas luitas.

Que vaia também o nosso abraço e solidariedade para quem resiste dignamente em cárceres do Estado Espanhol, que mantém a sua força combativa, demonstrando mais umha vez que nom existem barras nem cadeiras que podam deter a força de um povo decidido a conquistar umha sociedade de homens e mulheresl livres, a pátria independente, justa e soberana.

QUE VIVA O POVO GALEGO !

QUE VIVA O DIA DA PÁTRIA GALEGA!

QUE VIVAM OS E AS QUE LUITAM !

EM BOLÍVAR E NOSSOS HEROIS ENCONTRAREMO-NOS TODOS

Carlos Casanueva Troncoso

Caracas, 23 de Julho de 2012

Iniciativa Comunista (Estado espanhol)

Companheiros e companheiras,

Desde Iniciativa Comunista damos um abraço fraternal e revolucionário com motivo do 25 de Julho, dia da pátria galega.

Nestes tempos, nos que a ofensiva do capital contra a classe obreira e os povos do estado espanhol condénam-nos à miséria, as organizaçons revolucionárias devemos coordenar, no respeito à nossa diversidade, a açom e a luita para crebar a ofensiva capitalista e avançar até umha sociedade sem explotadores, sem opressores nem oprimidos.

A única saída que o capitalismo oferece aos nossos povos e à nossa classe é a miséria e o sofremento. A nossa saída passa pola luita sem quartel para construir umha nova sociedade que faga realidade a libertaçom social e nacional dos nossos povos. Umha saída obreira e popular à crise, umha saída revolucionária.

Esta ânsia une-nos e neste caminho estamos seguros de que nos imos atopar.

Viva a luita da classe obreira galega!

Viva Galiza Ceive!

Luitar, criar, poder popular!

25 de Julho de 2012

Movimento Caamañista (República Dominicana)

Do Movimento Caamañista A NÓS-UP: Solidariedade com a jornada pola independência galega

Apreciados/as camaradas de NÓS-UP:

Através de vós, luitadores/as insubornáveis pola independência e a emancipaçom social, expressamos a solidariedade sem limites a esta nova jornada pola soberania da Galiza.

Desde a República Dominicana, pátria do coronel Caamanho, que enfrentó com armas ao yanki invassor em 1965, fazemos chegar a nossa voz de alento, convencidos/as de que no atual contexto da grande crise do sistema de dominaçom capitalista e os seus centros imperialistas, a indignaçom e a mobilizaçom dos nossos povos haverám de medrar até abrir as comportas à criaçom coletiva de um mundo solidário e justo, sem opressom nacional e social.

Avante ! Até a vitória sempre !

Félix Tejeda

Rafael Félix

Narciso Isa Conde

COORDINACIÓN CENTRAL Movimiento Caamañista-MC

23-07-2012 Santo Domingo RD.

Partido Comunista Brasileiro (Brasil)

Partido Comunista Brasileiro saúda calorosamente o DIA DA PÁTRIA GALEGA, a comemorar-se no próximo dia 25 de julho, e se solidariza com o Ato Público que marcará as manifestações a respeito.

Ivan Pinheiro

Secretário Geral

PCB – Partido Comunista Brasileiro

Movimiento Popular Democrático (Equador)

Em nome da Diretiva Nacional do MPD queremos expressar umha saudaçom combativa e revolucionária aos companheiros de NÓS-UP que junto aos trabalhadores e o povo galego resistem e confrontam ao sistema capitalista. A luita dos povos desenvolve-se a escala mundial em defesa dos direitos que hoje estám a ser recortados, em contra das receitas e medidas neoliberais impostas pola Uniom Europeia, o FMI, etc. Os trabalhadores e povos estám a retomar as ruas como um cenário legítimo para exigir que a crise nom seja descarregada nas costas dos trabalhadores. Os revolucionários devemos dar saltos, conduzir o descontentamento geralizado e indicar aos povos o caminho, a alternativa: O SOCIALISMO.

Saudamos desde Ecuador o Dia da Pátria Galega, solidarizamo-nos com as manifestaçons que tenham lugar para comemorar esta data tam importante e expressamos que a luita do povo galego é também a nossa luita.

Luis Villacis Maldonado

Diretor Nacional do MPD

Moviment de Defensa de la Terra (Paises Cataláns)

Companheiros e companheiras de NÓS-UP; estamos muito agradecidos de poder participar nos vossos Atos com motivo do Dia da Pátria Galega. Em momentos como os atuais, de crise estrutural do sistema capitalista e numha conjuntura de agressons continuadas dos direitos conquistados históricamente pola classe obreira e as classes populares fai-se cada vez mais necessária que nunca a colaboraçom entre as organizaçons que formamos os diferentes Movimentos de libertaçom nacional.

O MDT participa em mobilizaçons populares contra os cortes e a favor da autodeterminaçom com a finalidade de aumentar a consciência poítia das classes populares em prol da rutura independentista.

Também trabalhamos para que a CUP (Candidatura de Unidade Popular) se convirta numha organizaçom referencial para o conjunto do movimento e as classes populares, pois achamos que a situaçom atual fai-na muito necessária e imprescindível.

Finalmente, queremos alentar-vos a continuar na luita por aumentar a consciência do povo trabalhador galego com a finalidade de conquistar a independência e o socialismo na Galiza, e sabemos que para esta finalidade NÓS-UP é umha organizaçom imprescindível.

Viva Galiza Ceive e Socialista!

Visca la terra!

Secretariado Nacional del Moviment de Defensa de la Terra