Dossier informativo: desatençom médica nas prisons, o caso de Antom Garcia Matos

Desde Ceivar apresentamos a publicaçom dum dossier informativo sobre a desatençom médica nas prisons como parte da denúncia da situaçom que está a sofrer o o preso independentista galego Antom Garcia Matos na prisom de Estremera.

O caso de Antom Garcia Matos

O preso político galego está encarcerado em regime de isolamento na prisom madrilenha de Estremera e tinha concertada umha cita médica neste módulo com o médico do penal.

No módulo de isolamento onde está Garcia Matos o médico de família passa umha soa vez cada mês, situaçom de por si inasumível, mais tendo em conta que essa visita se pode perder por saídas inesperadas do módulo. Isto mesmo lhe aconteceu a Antom, que contou com umha saída ao hospital no mesmo dia da consulta. Ao seu regresso foi-lhe comunicado que passara o médico e que até o mês seguinte nom poderia volver a passar polo seu módulo.

Esta situaçom vulnera o Regulamento Penitenciario e a LOP, onde se recolhe o direito a umha sanidade dentro da prisom em igualdade de condiçons do que as pessoas que vivem em liberdade.

Desde Ceivar anunciamos umha campanha de rua de socializaçom desta situaçom nas prisons que rematará cumha concentraçom diante do Valedor do Povo.