Mais apoios para os julgados por defender a língua frente a 'Galicia Bilingüe'

Reproduzimos os posicionamentos difundidos pola Gentalha do Pichel e pola CNT.

A Gentalha do Pichel quer manifestar o seu apoio e solidaridade com as pessoas processadas na causa do 8F

A Gentalha do Pichel manifesta o seu total apoio e solidaridade com todas as pessoas que desde este 23 de outubro estám a ser processadas nos julgados das fontinhas por defenderem a nossa língua.

Os factos acontecêrom a 8 de fevereiro do 2009, quando centos de pessoas alheias à nossa realidade nacional convocadas por Galicia Bilingue e com o respaldo de organizaçons como Falange Española, UPyD ou o Partido Popular se mobilizavam na capital da Galiza contra as tímidas iniciativas normalizadoras que na altura se estavam a implementar.

Naquele dia e ante a agressom, activistas a nível individual e colectivos entre o que estava o nosso, saírom à rua a defender o nosso direito a vivermos em galego. A todo o momento fomos perseguidas, reprimidas e punidas brutalmente polas forças do regime.

Mais umha vez mostra-se o carácter repressor de um estado que permite que organizaçons como Falange ou UCE se podam manifestar enquanto castigam quem se opom ou levanta a voz.

Reclamamos que como galegas e galegos só estávamos a defender os nossos direitos. Exigimos para todas as pessoas processadas a liberdade sem cargos e reiteramos mais umha vez o nosso compromisso com a língua do nosso país. Podem ter claro que sempre estaremos para defendê-la, porque viver em galego é um direito!

Compostela, 23 de outubro.

CNT

Solidariedade coas persoas procesadas por Galicia Bilingüe

Hoxe comezou o proceso contra doce activistas por participar da resposta popular o pasado 8 de Febreiro de 2009 perante a convocatoria antigalega de Galicia Bilingüe. Desde as nove da mañá unha concentración de mais de cem persoas às portas dos xulgados de Fontiñas apoiaba às procesadas. Arredor das 10h presentáronse as encausadas, que levaban unha camisola denunciando o xuizo político.

Às 10:30 comezaba o xuizo, cunha petición por parte da fiscalía para ampliar os cargos, polo que tivo que se suspender o xuizo. O proceso agora continua: a fiscalia ten un periodo de 10 dias para presentar as modificacións sobre os cargos que imputa, e depois voltaria à instrución, polo que é posibel que se retrase entre seis meses e un ano.

Tres anos despois da manifestación de Galicia Bilingue en Compostela contra o galego, doce persoas foron confróntanse a peticións fiscais de muitos anos de cadeia, somando 45 anos entre todos, e de sancións económicas totais de 30.000 euros.