Mais de 300 pessoas respondem com a sua presença à convocatória independentista do Dia da Pátria

Dos distintos pontos de contagem instalados onte ao longo da percurso da manifestaçom independentista, a máxima participaçom registada produziu-se quando a marcha entrou na Praça da Galiza desde O Hórreo. Neste momento, 320 pessoas secundavam a convocatória. Cifra modesta, mas que revela um crecimento moderado a respeito de 2017 e, sobretodo, a definitiva superaçom da “suspensom de atividades” e o assentamento dumha referencialidade que pede, e procura, futuro.

Os altibaixos em participaçom fôrom significativos ao longo dos 4 pontos de contagem —Alameda, Praça da Galiza com Doutor Teixeiro, Praça da Galiza com Hórreo e Toral—, sendo de duascentas cinquenta pessoas no ponto com menor afluência. Embora som dígitos moderados, demonstram a consolidaçom dum espaço independentista politicamente organizado que aspira a reforçar a sua influência e superou sérios test de resistência como a ilegalizaçom de facto à que foi submetido em 2015-2016 pola Audiencia Nacional.

Três projetos

Agora, com o início do novo curso político por diante e a satisfaçom polos resultados da 12º convocatória do Dia da Pátria que lançamos desde 2007, Causa Galiza começará formalizar às très mensagens que lançamos no discurso lido ao final da manifestaçom e conformarám três projetos para o horizonte imediato: Processo Trevinca, mesa de diálogo nacional para articular umha posiçom ruturista perante a reforma constitucional e repatriaçom dos presos e presas independentistas.