Non ao peche do CPI Monte Caxado de As Pontes
A Coruña, 11.07.2017 - A veciñanza, a comunidade educativa de As Pontes, alumnos e alumnas do CPI Monte Caxado marcharon polas rúas da Coruña contra o peche deste centro educativo, decretado polo goberno da Xunta xusto no remate do curso escolar. A camiñada finalizou diante do edificio da Xunta en Monelos, que foi ocupado uns intres, para que nel resoaran os berros contra o pechamento do colexio e na defensa do ensino público e de calidade.