O PP dá 300.000 euros de dinheiro público a La Voz e El Correo

La Voz e El Correo, conhecidos jornais da burguesia mais anti-galega e reacionária do País, voltárom a receber milhares de euros de dinheiro público em troca de favores "informativos" nesta campanha eleitoral.

Um monográfico de 24 páginas louvando o trabalho do governo de Feijoo trata burdamente de fazer passar por informaçom simples propaganda eleitoral do Partido Popular. Assim, os jornais estám obrigados a elaborarem informaçons com dados fornecidos pola própria Conselharia.

Este novo saque ao povo trabalhador tivo lugar graças a umha parceria assinada entre a Conselharia de Indústria e os dous jornais de direitas em começos deste verao. Segundo justificam "som 150.000 euros para cada jornal pola elaboraçom e publicaçom de informaçom relacionada com estratégias, programas e/ou iniciativas da Conselharia de Economia e Indústria". Assim se estabelece nos acordos assinados a 15 de junho segundo informa o jornal Galiza Confidencial.

O povo, apesar de pagar do seu bolso estas "notícias", nom tem direito a saber que esses "monográficos ou gráficos, num mínimo de 24 páginas" som propaganda paga pola Junta e nom informaçom.

Crise para muitos, negócio para poucos

Este tipo de atuaçons venhem sendo denunciadas por diferentes associaçons de jornalistas como o Sindicato de Jornalistas da Galiza ou a Ordem de Jonalistas galegos por prejudicarem a democracia e o direito à informaçom e fomentarem o discurso único.

Aliás, estas parcerias entre o PP e os meios que venhem desde a época de Fraga som umha maneira de repartir dinheiro público sem necessidade de passar polo Diário Oficial da Galiza (DOG). Nom há convocatória nem concorrência pública e dependem unicamente do critério do político do momento. Daí que os jornais beneficiados fossem exclusivamente os jornais ligados ao PP.