Participa na XIII Marcha às Cadeias!

Desde o Organismo Popular Anti-Repressivo Ceivar queremos animar-vos a participar a todas e todos, um ano mais na Marcha às Cadeias que organiza a Asociaçom de Familiares e Amigas/os Que Voltem para a Casa!

Fazemos um chamamento à solidariedade activa (difussom da Marcha, colaboraçom económica...) a secundar a mobilizaçom que terá lugar o sábado 1 de Junho e na que na sua 13ª ediçom percorrerá muitos menos quilómetros do que os habituais em convocatórias anteriores: duas colunas dirigirám-se desde o norte e o sul da Galiza para a prisom da Paradela (Teixeiro) para levar até os muros do centro penitenciário de máxima segurança as reivindicaçons ainda pendentes no caminho da liberdade definitiva.

A continuaçom publicamos os horários dos autocarros e as recomendaçons da plataforma Que Voltem para a Casa!:

PARADAS E HORÁRIOS DA XIII MARCHA ÀS CADEIAS

-Autocarro 1: Vigo (às 9:00h na praça dos Cavalos)-Ponte Vedra (às 10h na estaçom de autocarros).

-Autocarro 2: Ourense (às 9:00 no pavilhom dos Remédios)-Compostela (às 10:30h na estaçom de comboios).

Às 12:30h no Centro Penitenciário de Teixeiro.

Todas aquelas pessoas que necessitem ajuda para desprazarse nos seus carros ponham-se em contato com nos.

RECOMENDAÇONS XIII MARCHA ÀS CADEIAS

Já estamos na semana da marcha e desde Que Voltem! Queremos fazer como cada ano algumhas recomendaçons para que seja umha jornada o mais segura possível.

-Pontualidade: para chegar à hora acordada e por respeito a todas pregamos pontualidade nos pontos de recolhida.

-Há que levar bilhete de identidade ou passaporte.

-Chaleque refletor: é moi importante que cada pessoa intente levar chaleque refletor, já que estaremos ao pé da estrada e podem exigir a sua presença.

-Instrumentos: para que nos escuitem Teto, Edu e todas as pessoas encadeiadas (gaitas, pandeiretas, buzinas, alto-falantes etc.). Há que fazer ruído!

-Bandeiras das presas, faixas, bandeiras da mátria, etc...queremos que nos vejam!

-Comida e bebida: desde Que Voltem levaremos empadas, agua e froita para todas aquelas solidárias que queiram, mas quem o quiger também pode levar o que goste.

-Respeito no autocarro: sobra dizer que no autocarro há que comportar-se por respeito à pessoa que está trabalhando esse dia e às companheiras com as que compartimos a viagem

Sem mais, animamos a seguir difundindo para encher os auto-carros ou a ir a Teixeiro em carros particulares, seja como for, temos que ser um furacam de solidariedade. Demonstremo-lhes que nom estam sós.

NOM ESTAMOS TODAS, FALTAM OS PRESOS!