Presos políticos de Valdemoro solidarizam-se com os galegos que sofrêrom um acidente

Os presos políticos bascos recluídos na prisom de Valdemoro e o galego Eduardo Vigo (trasladado também a este cárcere por umha citaçom judicial) estám a realizar hoje umha jornada de denúncia das conseqüências da dispersom e em solidariedade com os três amigos de Eduardo que a semana passada sofrêrom um acidente de carro quando se encaminhavam a esta cadeia para umha visita.

O protesto consiste na recusa a recolher a comida fornecida polo cárcere, ato que explicárom nos dias passados à direçom do penal por meio de umha instáncia em que exigiam o fim da política de dispersom.