XII ediçom do Dia da Galiza Combatente será dedicada ao Foucelhas

A Direçom Nacional de NÓS-Unidade Popular decidiu homenagear o guerrilheiro antifascista Benigno Andrade, Foucelhas, na XII ediçom do Dia da Galiza Combatente. Os atos decorrerám o vindouro 12 de outubro na cidade da Corunha.

Ontem, 7 de agosto de 2012, cumpriam-se 60 anos do seu assassinato polo fascismo, mediante o bárbaro e "castizo" método do garrote vil, após a sua captura e posterior tortura polos corpos repressivos espanhóis.

Foucelhas, nascido em Messia e filho do povo trabalhador galego, implicou-se no movimento obreiro na década de 1930 do século passado. Após ao alçamento fascista de 1936 fai parte de umha coluna que tentava chegar à Corunha para combater os sublevados. De volta em Cúrtis bota-se ao monte, participando na incipiente resistência guerrilheira.

Desde entom fai parte do movimento insurgente galego, chegando a dirigir a V Agrupaçom do Exército Guerrilheiro da Galiza. Os longos anos de luita e a sua singular personalidade convertêrom-no num dos guerrilheiros mais queridos polo povo, e numha figura mitificada como símbolo do luitador pola justiça social, apesar das mentiras que sobre ele e os seus companheiros e companheiras lançava o fascismo.